兒童不宜

今晚睇左黃子華嘅《兒童不宜》真係笑到我傻左，以後知道點樣同人表達我嘅不滿，真係「請你好好放低」！

男人同女人查實真係幾Marvelous架，男仕就會講大話，女仕就攞正牌講大話！如果化左妝同唔化妝我都認到妳，咁妳就唔算講大話，落左妝之後我認妳唔出，咁果D就唔係叫做化妝，係喬裝！女人最鍾意就係1)食飽、2)乜乜乜乜、同埋3)訓覺，乜乜乜乜就係因為我都唔知啲女人成日係度做乜！而男人呢，最開心嘅就係住係哥倫比亞果班，因為佢地有齊三樣令男人最開心嘅野，就係1)單身、2)有好多性伴侶、同3)夠訓！唔好講笑，個男人果排夠訓，人都開心啲。

當一個人好唔開心嘅時候，係可以考慮下好似驅魔人咁，不由自主咁去做人，Kee.....kee......我好鍾意返工呀........搭地鐵係咁架啦，阿伯，你走去邊唶？........