聖誕安排

要自己安排聖誕節嘅節目算唔算可悲呢？可以話係，亦可以話唔係嘅，今朝睇到個廣告，永安旅遊「愛蘭歌娜號」郵輪$2,099就可以去東南亞，橫掂都冇人陪，又唔想留係香港睇人煙韌，不如隻身上甲板，遠渡南中國海。但係一個人上船會唔會好貴呢？乜都自己食晒，冇人share喎？！Hmm.........分分鐘仲要俾兩個人嘅錢先可以自己一個人一間房添！

今年Vancouver好早就落雪，「土」都未落，所以今年返去滑雪應該會幾正幾激，幣就幣在冇人有假一齊返去，肯同我一齊返去玩嘅同鄉又唔滑雪嘅，真係無奈................唉，「自摸奶奶」，「自摸奶奶」.....................

最後衝刺

卒之都俾我做晒我年尾前要做嘅嘢，交晒要交嘅功課，畢咗要畢嘅業，考晒要考嘅試..............奈何仲有一樣多咗嘅嘢要做，但係又一定唔會係年尾前做得完，就係揾返份工！或者係時候我去開拓我嘅事業。仲有就係可能要揾地方搬，除非業主好到傻咗唔加租啦。

淨返落嚟嘅時間就係靜待呢個既討厭又悶嘅孤獨聖誕~~~~~

瘋狂購物日

聞悉SOGO大減價，梗係好似上次永安減價咁，落去行下扮住家男人啦，我不嬲都鍾意一個人去行街架啦(查實係冇人陪)， 況且我對皮鞋爛左一段時間，都係時候買過對，睇到flyers SOGO啲皮鞋平到咁，真係忍唔住要去睇睇，嘩，原價$1290對皮鞋，家陣$690？唔係卦？再加上個sales係咁話而家多人著啡色皮鞋，襯牛仔褲好睇，又一大堆sales說話，話晒我都係一個sales嚟架嘛，點會俾佢sell到呀，不過我都覺得自己著得幾好睇，同埋明白左點解平時出街好似點著都唔靚，原來黑皮鞋襯深色牛仔褲係冇啡色咁好睇嘅。不過我條深色牛仔褲係幾年前買，當時30吋腰.........死啦，我要係一個月內減肥15磅！

跟手睇埋皮褸扮型仔，冇計啦，香港啲女仔淨係睇樣，自己樣唔算係靚仔唯有靠高搭夠，咁型少少都起碼唔會係墊底果班先啦，哦，我仍然好有自信喎，畢竟係港女唔識貨唶，唔知點解淨係啲Aunts先識得欣賞我，死啦，唔通遲啲要玩相睇呢家野？會唔會返Vancouver揾會容易D呢？

我就好鍾意我今日嘅戰績，仲幫阿嬷揾到個好嘅deal買LCD TV添，幫佢搞埋我今日差唔多駛左成皮野，咁當然，部電視查實就唔應該計落去嘅，不過book value我今日真係買左咁嘅value嘅野，駛錢可以駛到不負責任真係好開心，我而家明明地點解啲港女開口埋口都係$啦！

講開又講，我尋日剪髮嘅時候睇左本雜誌，介紹一個叫做「港女災難應變中心」嘅網站，真係幾好笑，仲可以俾我地啲俾港女攞盡著數然後被玩弄及杯葛嘅港男宣洩一下D勁冇品嘅港女，可參考以下網址：http://konggirl.hkloves.com/front.htm

做人

古人嘅諺語真係好有智慧，「人字易寫做人難」呢句說話係唔可能再岩，人生好玩同時間亦係唔好嘅地方就係不停面對問題，解決問題，再面對過問題，有時甚至幾個問題一齊嚟，最頂癮嘅就係問題次次都似曾相識，但又唔係完全一樣，等你冇得出返上次出嘅絕招..........

卒之我份contract都係冇得renew，我好好利用過去個兩個月搞點我個Master's Degree，應該要揾份工就唔難嘅，但係須知揾工嘅過程真係一個very unplesant experience，走幾廿次見完阿茂就見阿壽，見九萬次，次次都要四號笑容咁.............In完出嚟個口要一段時間先合得返埋............無聊都爆，家陣揾老公咩，邊個話我實係度同你打一世工唶，駛唔駛連你個janitor都見埋呀............

悶悶地走上去深圳鬆下，表面溫柔(注意：係，係表面架唶，但係係一啲係香港一世都揾唔到嘅特質)嘅中國女仔真係多的是，唔知江山美人有冇深圳篇呢？另人工可能低到爆，因為消費真係平到你唔信，有圖為証，邊個係香港揾到咁嘅食早餐地方唔該介紹下...........

青春無敵

一個女仔點先算係靚呢？霎眼嬌？內在美？有氣質？有內涵？奈何青春真係無敵，今晚嘅江山美人北京篇，一號美人真係有齊晒上面嘅特質。係，佢都算係霎眼嬌，因為後生，帶點天真活潑，純品貪玩，亦有喜愛嘅運動，而且成績唔錯，玩到國家級，就好似一個乖乖女好聽父母話，但又唔係書呆子，最重要係，青春真係大晒！可以將「發癲」同「痴線」變成「可愛」同「活潑」。

亦雖知鮮花嘅美艷係需要綠葉嘅扶持，睇埋其他嘅所謂美人，就更加彰顯碧琪嘅「無敵」，得如此美人歸，夫復何求！

死啦D青春痘

無賴同肥仔聰扮韓國出名兩卡拉OK少女咁唱呢首歌，幾岩我唱，等我去K度睇下揾唔揾到呢首歌先，嘻嘻~~