柯柏文，大黃蜂，揀邊個？！選自都市日報《香江人語》

「沒有完美情人這回事，好壞只是相對甚麼時候，甚麼事情上。這一刻，你需要的是柯柏文，抑或是大黃蜂？」 柯柏文，大黃蜂，誰做男朋友比較好？

趁著《變形金剛》熱，我跟身邊友人一起名正言順地沉迷起來，由電影到當年的電視卡通片、到漫畫、到玩具，大家都各出奇謀希望知道更多，以及找到新的角度去看那些機械人，以上的那條問題就引來了不少討論。柯柏文，大黃蜂，最受歡迎的兩位博派機械人，難免會被比較。

各花入各眼，男朋友更是沒有絕對萬人迷，也很難有一個十全十美合心水，通常都是左稱右稱，好處多過不好處就應該收貨。柯柏文和大黃蜂正好代表了兩種不同類型的男人，在市面上亦可找到；現在我們就將他們各自的優點缺點簡單地列出來，看看有甚麼分別。

跟柯柏文一起的好處：
（一） 成熟穩重
（二） 群龍之首，威猛
（三） 有領導能力，不怕迷失

跟大黃蜂一起的好處：
（一） 活力充沛，有幽默感
（二） 常伴左右，無微不至
（三） 為你出生入死

找一個成熟穩重的大概可以讓你極有安全感，他是「大佬」的話就更有意思，即是說得到男朋友兼送手下，整個哥兒們小隊看你顏面，幾威呀！還有，有領導能力的男朋友可為你引路，又講道理，柯柏文絕對是信心保證。另一方面，活力充沛的男朋友包保不會悶，細心體貼的照顧你，又會讓你感覺溫暖，為你赴湯蹈火更不需多說明了，大黃蜂亦是一個不錯的伴侶。那麼各自的不好處又是甚麼呢：

跟柯柏文一起的不好處：
（一） 悶
（二） 群龍之首，太多愛情以外的負擔
（三） 太會講道理，沒情趣

跟大黃蜂一起的不好處：
（一） 太多精力，招架不住
（二） 煩
（三） 感情用事，比較沒遠見

柯柏文的成熟是他的賣點，也是他的致命傷，需知道愛情裏的小情趣，很多時候是由情人的孩子氣而來的。而且，既為領導，他就有包袱，一個好的領導人會將公事放在前，感情放一邊，你需要他時世界更需要他，忙拯救地球，沒有時間陪你。他太懂得大是大非，犧牲小我完成大我，你對他來說就是小我，即是說他會在必要時犧牲你。諷刺的是，這種深明大義正是你被柯柏文吸引的原因。

至於大黃蜂，活力是他的優點，亦是他的缺點，太好動不能安靜，他為你安靜時，又有點讓你過意不去，常常在你左右難免會讓你的私人空間受威脅。太細心周到亦會有點婆婆媽媽，你心情不好時，他可能顯得煩人。大黃蜂原為你生為你死，但這感情用事的性格就很難幹大事，你願意這樣平凡一世嗎？

沒有完美情人這回事，好壞只是相對甚麼時候，甚麼事情上。這一刻，你需要的是柯柏文，抑或是大黃蜂？

而你，想做柯柏文，還是大黃蜂？

十年冇寫「部落格」

真係好抱歉，我知道有好多我嘅fans都好失望，個仔都已經五歲啦，我十年都冇update過我嘅「部落格」，前排去完倫敦真係想寫好多嘢放係度，但係我癲咗咁嘅口水佬真係寫一日嘅經歷可以寫咗成二千幾三千字，雖然會有插圖，但係我諗fans都冇心機睇。



哈哈，估唔到而家Blogger有AutoSave啦(終於都)，咁就唔駛嘢嘢要係notepad度寫晒先敢post上嚟。



最近工作上經歷咗啲問題，搞到好麻煩，要四圍揾免費法律諮詢，到而家都未定斷，唉，long story，總之就煩爆。呢個時候朋友嘅重要性就顯現，我個識咗廿年嘅老死就幫咗我唔少，雖然而家仲係過渡期，但係應該可以順利過渡！



我真係好鬼羨慕我呢個老死，娶咗個好老婆，成家立室，仲幫佢躉咗件好鬼趣緻嘅B出嚟(係我契仔嚟架，我係佢嘅終生電腦加跆拳道教練)，真係羨殺旁人。搞到已經修咗身嘅我(即係讀完書，唔係纖體嗰啲修身)，真係要認認真真揾返個人齊家，咁就有推動力去治國平天下。隻B好可愛架，表情多多，又靚仔，等我train到佢「溝遍天下唔敵手，香港靚女盡低頭」！



最近越嚟越發覺自己有個好嚴重嘅問題：就係唔識點同蠢人做嘢，同埋點樣去deal with佢地。呢樣真係 神俾我最難嘅功課。話說我join咗HKBN嘅寬頻，咁就要轉我嘅email address啦，咁我好奇怪佢地一直都淨係寄啲歡迎信件，你個login就有啦，但係就係冇一封信係講你聽你個email點setup，咁以我呢個已經係呢個行頭浸淫咗咁多年，有啲嘢你唔話我聽我都可以自己揾到嘅，於是我就上網揾返佢地個SMTP同POP3 server名啦，點知揾到但係用唔到，因為HKBN前身係CTI，有好多前人留落嚟嘅嘢仲係度，咁我試咗幾個方法都唔得，就email佢地問吓啦，點知冇人覆，唯有打電話去問，佢地居然可以話俾我聽啲資料應該會係email俾我喎，咁我就抓爆頭，我都未setup到個email，個account又冇webmail，咁你將我要setup email嘅資料email去一個我都未setup到嘅email度，我點check呀？咁我check唔到我又點setup呀？咁我setup唔到又點check呀，咁我..........等等，咁樣都唔係辦法嘅，你不如好心話我聽個POP3係乜啦，其他嘢我自己會搞點架啦，唔該晒......................死啦，再係咁對多幾年呢類人，我會唔會變「拉加」架？！

我舊公司啲traders同同事都係咁上下，故事多到我要講我諗你要嚟揾我食早餐開始講起，咁同日食完晚飯應該都講得完嘅，例如，有次有個trader自己上網揾咗啲資料要print，咁佢跟住就走去個printer度等，點知等極都等唔到，佢唔明就返埋位再print過，又係冇嘅，咁啱個admin行過部影印機見到有printout就拎返俾佢啦，跟手佢就走過嚟發老脾問我點解佢啲printout會去咗printer 4度而唔喺係返平時嘅printer 3度出嚟，咁咪埋去佢部腦度望望啦，好彩之前嘅setup係print完之後個server會有個message話返俾個user聽佢嘅printout幾多張紙已經係邊部printer成功print咗，咁我一行埋去就見到個message仲係個畫面度，寫住printer 4，咁我咪好聲好氣同佢講話你係print咗去printer 4度喎，所以就唔會係printer 3度出嚟嘅，跟住佢居然可以惡過我，同我講話佢都冇print過落printer 3度，問我點解會咁，大佬，我點知你之前做咗啲乜呀，你係print咗落printer 4度，好正常係會係printer 4度出架啦，個system唔會覺得係有問題架喎，佢話佢咩都冇做過(通常啲user都係咁講架啦，唔同做賊嘅話你聽佢係賊咩)，淨係就咁噤Ctrl+P，咁我咪同佢試多次啦，都係指住printer 4喎，咁我咪同佢講話佢只需要用1秒鐘時間望望個printer prompt，confirm返係咪佢要嘅printer就得啦，點知佢嘅回覆居然係：「1 second is a long time」，我諗都冇咩好講。如是者我就問佢係咪好少機會用其他printer，佢話係，於是我就幫佢兜嘢剷晒其他printer，等佢冇得揀，冇得揀咪唔駛煩囉！我覺得我係匡智會度做緊咁，吹漲！