兒時玩伴之音樂

呢條友勾起我好多童年回憶，Super Mario Bros.真係好多我同年嘅朋友嘅old times favorite！有啲後悔自己用太多時間係跆拳、柔道、同打機度，冇學到琴，學左琴除左可以訓練個左腦同右腦嘅配合，亦可以陶醉於音樂之中，自己幫自己釋放一下。如果而家先去學又好似老左啲，唯有將我嘅希望寄予係我嘅下一代啦，等佢又打得而可保護自己同屋企人之餘仲會有多啲修養，我要我個仔同女係溝死女同俾仔溝死果隻！哈哈，做我嘅仔女係幸福定命苦呢？

呢首音樂真係唔開心都聽到個人好輕鬆，大家欣賞下啦，睇下聽唔聽得出結他果隻阿Mario係度做緊乜~~

《情意拳拳》

一齣有得笑，又少少胡鬧嘅戲，繼黃子華《兒童不宜》棟篤笑後，對齣戲無疑係有少少期望。不過應采兒真係好得，樣貌身材都two thumbs up！同佢猜跳舞枚實輸死，可以同佢partner玩斷背枚就好啦！

因為佢「嚟嚟去去都係得一個form，咁你一喵，就出枚啦，咁咪係贏晒嘅form-喵-啦 (formula) 囉！」

「佢第一次係俾我，第二次又係俾我.......到第N次都係俾我.......」
「咁第N+1次咪冇你份囉，邊個人冇歷史先得架，你阿媽未有你之前咪又係冇你阿爸份...........」

學多左啲枚，但係又唔係好知點玩，可能要多啲去蒲先知，哈哈~~

生命復甦

搞點嚕！我卒之搞點晒份report啦，上星期五見完prof之後雖然唔算得上係頭耷耷咁爬返出嚟，但係我都有幾樣野要返去改，搞到我個weekend都過得好無奈，尋日終於做完晒，但係約左個prof成十點幾，咁俾自己鬆下咪約朋友食飯飲野先去見佢囉，All the way走去Taco Loco食左個最正嘅7 layers Nachos with Chicken，跟手去埋The Fong飲左杯表面冇乜野嘅Singapore Sling，帶住少少酒意去見prof，哈哈，成個人飄飄然，唔知係咪咁佢驚左我，所以已經冇野需要再改，只係叫我加返個List of Figures and Tables，哦，easy job啦，我用captions寫架嘛，五分鐘唔駛我就整完啦。哈哈哈~~~ (好一種悠然自得嘅感覺)，再搞點埋個oral presentation，我就畢業啦！

兩個月前執返嚟寫，當時先寫得果八千幾字，今日交得啦，我居然可以寫左二萬四千七百幾字，我嘅吹水能力都算係數一數二，嘻嘻~~(沾沾自喜)，我家陣得返個半星期要砌好份powerpoint跟住就要自編自導自演！

蘇州美人

蘇州除左有陽澄湖大閘蟹、太湖三寶：白蝦、白魚、銀魚、十大名茶碧螺春、江南四大才子之外，就係美女，雖不比大連好，但亦不俗，其中一位名顧李，雖然唔高，但輪廓貌似宣萱，最正係佢修讀蘇州大學體育系，精通武術，有共同話題，唔錯，唔錯。睇嚟我都係等佢做晒七集先開始plan我嘅祖國之行！

嘩，下個星期北京美人好似仲得啲喎，搞到我諗起我多年前係北京認識果位姑娘添............

有life、冇life

卒之搞點我份assignment啦！萬歲！！嘩，呢兩個月嚟我係冇life嘅，唯一有嘅就係返工，放工，返屋企寫、寫、同埋寫，一份咁嘅research project我就做，呀唔係，係拖左一年到俾學校追先肯做！朋友問，O記，禮拜尾有咩做呀？Assignment囉.........今晚放工happy hour呀？唔得呀，返屋企做assignment呀.............唱K呀？唔得呀，返屋企做assignment呀.............食飯呀？唔得呀，返屋企做assignment呀..................唔得呀，返屋企做assignment呀...............返屋企做assignment呀................做assignment呀................assignment呀..................呀..............閹沒左...............

終於可以浮返上嚟，今晚我仲可以大搖大擺咁去見個prof，睇下我可唔可以一樣大搖大擺咁行返出嚟，定係頭耷耷咁爬返出嚟，跟住就要返屋企改assignment呀.................改assignment呀.................assignment呀..................呀..............再次被閹沒...............

大連、大連、大連

睇完《江山美人》我決定要去大連揾我嘅目標！嘩，真係un頂able呀，又嗲，又高，又靚，怕怕羞羞咁，二不得即刻飛上去添，所謂養兵千日，用在一朝，訓練多時嘅國語可以派上用場，全靠我老竇當年掟左我去蘇小讀書！連我去港龍見工，個manager都話我可以同啲上海嚟嘅空姐多多「高」通「高」通。好，大連，我來也！第一件事我要揾返果個19歲，cute到爆嘅sweet model！

兒童不宜

今晚睇左黃子華嘅《兒童不宜》真係笑到我傻左，以後知道點樣同人表達我嘅不滿，真係「請你好好放低」！

男人同女人查實真係幾Marvelous架，男仕就會講大話，女仕就攞正牌講大話！如果化左妝同唔化妝我都認到妳，咁妳就唔算講大話，落左妝之後我認妳唔出，咁果D就唔係叫做化妝，係喬裝！女人最鍾意就係1)食飽、2)乜乜乜乜、同埋3)訓覺，乜乜乜乜就係因為我都唔知啲女人成日係度做乜！而男人呢，最開心嘅就係住係哥倫比亞果班，因為佢地有齊三樣令男人最開心嘅野，就係1)單身、2)有好多性伴侶、同3)夠訓！唔好講笑，個男人果排夠訓，人都開心啲。

當一個人好唔開心嘅時候，係可以考慮下好似驅魔人咁，不由自主咁去做人，Kee.....kee......我好鍾意返工呀........搭地鐵係咁架啦，阿伯，你走去邊唶？........